تِلوڪ تُلسياڻي: تلوڪ موهنداس تلسياڻيءَ جو جنم 17 جولاءِ 1910ع تي، درٻيلي، تعلقي ڪنڊياري، ضلعي نوشهري فيروز ۾ ٿيو. تعليم حاصل ڪرڻ کان پوءِ ڪراچيءَ جي هڪ بئنڪ ۾ ڪلارڪ ٿيو، پر خدمت جي جذبي سبب نوڪري ڇڏي، اچي نوابشاهه وسايائين. اُتي ڪانگريس جي ڪم ڪرڻ سان گڏ ”نو ڀارت“ هفتيوار اخبار جو ايڊيٽر به ٿي رهيو. آزاديءَ جي تحريڪ ۾ حصي وٺڻ سبب جيل ياترا به ڪيائين. ورهاڱي کان پوءِ سنڌ ڇڏي وڃي اجمير شريف ۾ ويٺو. تلوڪ تلسياڻي اجمير ۾ پهرين روزاني اخبار ”نوڀارت“ ۽ پوءِ هفتيوار ”نوڀارت“ جو ايڊيٽر ٿيو. ان کان سواءِ سنڌ ۾ سماجي ۽ تعليمي ڪم به ڪيائين.
17.07.1910 عيسوي
تلوڪ موهنداس تلسياڻيءَ جو جنم 17 جولاءِ 1910ع تي ، درٻيلي ، تعلقي ڪنڊياري ، ضلعي نوشهري فيروز ۾ ٿيو .